ایشیا کپ شیڈول کے اعلان کے بعد بھارتی آگ بگولہ

یہ بھی پڑھیں:۔محسن نقوی نے ایشاء کپ کی تاریخ اور وینیو کا اعلان کر دیا

ایشیا کپ 2025 کے شیڈول کے اعلان کے بعد بھارتیوں کو آگ لگ گئی، بھارتی صحافیوں کے بعد اب کرکٹرز بھی اپنے بورڈ کو آڑے ہاتھوں لینے لگے۔

سابق کپتان اظہرالدین کا کہنا ہے کہ پاکستان سے کھیلنا ہے یا نہیں، ایک فیصلہ کرلو، باہمی سیریز نہیں کھیل رہے تو اے سی سی اور آئی سی سی ایونٹس میں بھی پاکستان سے نہیں کھیلنا چاہیئے۔

یہ بھی پڑھیں:۔سیریز ہارنے کے بعد پاکستان نے بنگلادیش کو ہرا دیا

اس سے قبل بھارتی اسپورٹس صحافی وکرانت گپتا نے بھی اپنے ہی کرکٹ بورڈ پر تنقید کرتے ہوئے کہا تھا کہ بھارت اب کرکٹ کا سپر پاور نہیں رہا؟ آپ کی کسی کے سامنے چل ہی نہیں رہی ہے۔

وکرانت گپتا کا کہنا تھا کہ بی سی سی نے یوٹرن لیا ہے، پہلے وہ کہہ رہے تھے کہ ہم نہیں جائیں ڈھاکہ اور آج کہہ رہے ہیں کہ ہم آن لائن میٹنگ میں حاضر ہوجائیں گے۔

واضح رہے ایشیا کپ میں 8 ٹیمیں شریک ہوں گی، جنہیں 2 گروپس میں تقسیم کیا گیا ہے، پاکستان، بھارت، یو اے ای اور عمان کو گروپ ’اے‘ میں شامل کیا گیا ہے جبکہ بنگلا دیش، سری لنکا، افغانستان اور ہانگ کانگ گروپ ’بی‘ میں شامل ہیں۔