بیروٹ خورد کے علاقے سنگریڑی میں بھانجے کے ہاتھوں قتل ہونے والے چودری آصف کو سپرد خاک کر دیا گیا جبکہ قتل پر پورے علاقے میں شدید غم و غصہ پایا جاتا ہے علاقہ مکینوں کا مطالبہ ہے کہ ملزم کو کیفر کردار تک پہنچانے کے لیے کوئی کسر اٹھا نہ رکھی جائے۔اور قتل کے محرکات جاننے کے لیے پولیس تفتیش کے تمام مسائل بروئ کار لائے۔
واضح رہے کہ تین روز قبل ایبٹ آباد سرکل بکوٹ، بیروٹ خورد کے گاؤں سنگریڑی میں گھریلو تنازعے نے اچانک خونی رخ اختیار کر لیا اور بھانجے نے سگے ماموں کو قتل کر دیا۔
اطلاعات کے مطابق چوہدری یاسر نامی شخص نے طیش میں آ کر اپنے سگے ماموں چوہدری آصف کے گھر میں گھس کر ان پر چھری کے پے در پے وار کیے، جس کے نتیجے میں وہ موقع پر ہی جاں بحق ہو گئے۔ حملے کے فوراً بعد ملزم موقع سے فرار ہونے کی کوشش میں تھا، تاہم مقامی افراد نے پکڑ کر پولیس کے حوالے کر دیا۔ بکوٹ پولیس نے ملزم کو اپنی تحویل میں لے کر مزید تفتیش شروع کر دی ہے جبکہ مقتول کی میت کو پوسٹ مارٹم کے لیے ایبٹ آباد منتقل کر دیا گیا۔
