کامن ویلتھ گیمز کے گولڈ میڈلسٹ سرجری کے بعد وطن واپس آ گئے

کیمبرج میں اسپورٹس سرجن ڈاکٹر علی شیر باجوہ نے ارشد ندیم کی سرجری کی۔
ارشد ندیم وطن واپسی پر اپنے گھر میاں چنوں روانہ ہو گئے، وہ 2 ہفتے گھر میں گزاریں گے۔
ارشد ندیم گھر میں قیام کے دوران معالج کی ہدایت کے مطابق مختلف ورزشیں کریں گے،

دو ہفتے کے بعد وہ لاہور میں اپنے کوچ سلمان بٹ کی نگرانی میں ری ہیب پروگرام شروع کریں گے۔
لاہور میں ڈاکٹر ہاشم کوچ سلمان بٹ کے ہمراہ ارشد ندیم کی ٹریننگ کی نگرانی کریں گے،

ری ہیب کے بعد جنوری کے وسط میں ارشد ندیم کا اسٹرینتھ اینڈ کنڈیشنگ پروگرام شروع ہو گا۔

امام الحق ملتان ٹیسٹ کے دوران انجری کا شکار
اسٹرینتھ اینڈ کنڈیشنگ پروگرام مارچ میں ختم ہونے کے بعد ارشد ندیم کی تکنیک پر کام شروع کیا جائے گا۔
انگلینڈ سے واپسی پر میڈیا سے بات کرتے ہوئے ارشد ندیم نے کہا کہ انگلینڈ میں مکمل علاج کرانے پر صدر ایتھلیٹکس فیڈریشن جنرل اکرم ساہی کا شکر گزار ہوں۔
انہوں نے کہا کہ قوم سے اپیل ہے کہ میرے لیے دعا کریں، مکمل فٹ ہو کر جلد ایکشن میں نظر آؤں گا۔