نیتن یاہو کیخلاف کرپشن کیس سننے والا جج ہلاک

اسرائیل: وزیراعظم نیتن یاہو کے خلاف کرپشن کیس سننے والے جج بینی ساگی ایک ٹریفک حادثے میں ہلاک ہوگئے۔

ٹائمز آف اسرائیل کے مطابق یہ حادثہ روٹ 6 پر پیش آیا جب جج ساگی اپنے سفر کے دوران ایک گاڑی سے ٹکرائے۔ پولیس نے بتایا کہ حادثہ اس وقت ہوا جب وہ ہائی وے پر غیر متوقع طور پر آنے والی گاڑی سے ٹکرا گئے، جبکہ جج ساگی موٹر سائیکل پر سوار تھے۔ واقعہ چار جنوری کو بیرشیبہ ڈسٹرکٹ میں پیش آیا، اور فوری طور پر میڈیکل ٹیم اور پیرامیڈکس موقع پر پہنچ گئے۔ اسرائیلی ایمرجنسی ہسپتال میگن ڈیوڈ ایڈوم نے کہا کہ حادثے کا منظر حیران کن تھا۔

بینی ساگی طویل عرصے سے نیتن یاہو کے خلاف بدعنوانی کے مقدمات کی سماعت کر رہے تھے، جو اسرائیل میں اہم قانونی اور سیاسی مسئلہ ہیں۔ ان کی موت کے بعد کیس کی سماعت میں تاخیر کا خدشہ ظاہر کیا جا رہا ہے، اور سیاسی و قانونی حلقوں میں تشویش پیدا ہوگئی ہے۔

حکام نے واقعے کی تحقیقات شروع کر دی ہیں تاکہ حادثے کی وجوہات معلوم کی جا سکیں اور مستقبل میں ایسے واقعات سے بچا جا سکے۔