اسرائیلی حملے میں مزید 5 فلسطینی شہید۔غزہ: اسرائیل کی جانب سے جنگ بندی معاہدے کی خلاف ورزیوں کا سلسلہ جاری ہے اور گذشتہ 24 گھنٹوں کے دوران مزید 5 فلسطینی شہری شہید ہو گئے ہیں۔
غزہ کے محکمہ صحت کے مطابق، اسرائیلی حملوں میں اب تک 226 فلسطینی شہید اور 594 زخمی ہو چکے ہیں۔ حکام کا کہنا ہے کہ ملبے سے مزید 17 فلسطینیوں کی لاشیں برآمد ہوئی ہیں، جس کے بعد اب تک مجموعی طور پر 499 لاشیں مل چکی ہیں۔
مزید بتایا گیا ہے کہ مجموعی طور پر اسرائیلی حملوں کے نتیجے میں شہید ہونے والے فلسطینیوں کی تعداد 68,858 ہو گئی ہے۔
