محبوبہ مفتی کا مودی اور بی جے پی پر سخت وار
سابق وزیراعلیٰ مقبوضہ کشمیر محبوبہ مفتی نے بھارتی حکمران جماعت بی جے پی اور وزیر اعظم نریندر مودی پر کڑی تنقید کرتے ہوئے کہا کہ بھارت میں مسلمانوں کو "محبت جہاد، زمین جہاد، ووٹ جہاد اور گائے جہاد” کے نام پر نشانہ بنایا جا رہا ہے۔
محبوبہ مفتی نے مزید کہا کہ مودی حکومت افغان طالبان کے ساتھ تعلقات مضبوط کر رہی ہے اور افغانستان کی تعمیر نو میں مدد اور تعلیمی وظائف دے رہی ہے، لیکن اپنے ملک میں مسلمانوں کے وظائف ختم اور مدارس بند کیے جا رہے ہیں۔
انہوں نے بی جے پی کے اس "دہرے معیار” کو دنیا سے دوستی اور اندرونی ناانصافی کے مترادف قرار دیا۔
