امن کا نوبیل انعام 2025وینزویلا کی ماریا کورینا مچاڈو کےنام

نوبیل کمیٹی کے مطابق ماریا کورینا مچاڈو کو وینزویلا میں عوام کے جمہوری حقوق کے فروغ اور آمریت سے جمہوریت کی پُرامن منتقلی کے لیے ان کی جدوجہد کے اعتراف میں 2025 کا امن نوبیل انعام دینے کا فیصلہ کیا گیا۔

کمیٹی نے کہا کہ مچاڈو کی تحریک نے وینزویلا کے عوام میں آزادی، قانون کی حکمرانی اور سیاسی شرکت کی نئی امید پیدا کی ہے۔

امریکی سابق صدر ڈونلڈ ٹرمپ بھی امن نوبیل انعام کے امیدواروں میں شامل تھے، تاہم وہ یہ اعزاز حاصل کرنے میں ناکام رہے۔ پاکستان سمیت مختلف ممالک نے ان کی نامزدگی کی حمایت کی تھی۔

رپورٹس کے مطابق رواں سال نوبیل امن انعام کے لیے 338 نامزدگیاں موصول ہوئیں، جن میں 244 افراد اور 94 تنظیمیں شامل تھیں۔ نوبیل انسٹی ٹیوٹ نے بتایا کہ یہ گزشتہ برس کی 286 نامزدگیوں کے مقابلے میں نمایاں اضافہ ہے۔

نوبیل قوانین کے تحت امیدواروں کی تفصیلات 50 سال تک خفیہ رکھی جاتی ہیں، تاہم کمیٹی کو اجازت ہے کہ وہ اپنی صوابدید پر فاتح کا نام ظاہر کرے۔