سعودی عرب،منشیات اسمگلنگ پر پاکستانی تارکِ وطن کو سزائے موت
ریاض: سعودی عرب میں منشیات اسمگلنگ اور دہشت گردی کے الزامات پر دو افراد کو سزائے موت سنائی گئی ہے۔
سعودی وزارتِ داخلہ کے مطابق، پاکستانی تارکِ وطن کو منشیات اسمگلنگ کے جرم میں سزائے موت دی گئی، اور یہ فیصلہ مکہ مکرمہ ریجن میں نافذ کیا گیا۔
دوسری جانب، دہشت گردی میں ملوث سعودی شہری کو بھی سزائے موت دی گئی۔ سعودی وزارتِ داخلہ کے مطابق، اس شخص نے سیکیورٹی اہلکاروں پر حملے، جج کے اغواء اور قتل میں حصہ لیا، اور تیل کی پائپ لائنوں کو اڑانے اور دھماکا خیز مواد تیار کرنے میں ملوث تھا۔
