دہلی خالصتان کا حصہ بنے گا: گرپتونت سنگھ پنوں

گرپتونت سنگھ پنوں نے بذریعہ ویڈیو لنک پریس کانفرنس سے خطاب میں کہا کہ دہلی بنے گا خالصتان کے موضوع پر 17 اگست کو امریکا میں ریفرنڈم ہو گا، ہمارا ایک ہی عزم ہے کہ دہلی بنے گا خالصتان۔

ان کا کہنا ہے کہ بھارت نے پاکستان پر حملہ کر کے خواتین اور بچوں کو شہید کیا، پاکستانی فوج کے ساتھ مل کر بھارت کا مقابلہ کریں گے۔

گرپتونت سنگھ پنوں نے کہا کہ فیلڈ مارشل عاصم منیر کا وائٹ ہاؤس کا مہمان بننا پاکستان کے لیے اعزاز ہے، کینیڈا کے وزیرِ اعظم نے بھارت کو تمام ناخوش گوار واقعات کا ذمے دار ٹھہرایا ہے۔

سکھ رہنما نے کہا کہ ہماچل پردیش، ہریانہ، راجھستان اور یوپی کے کچھ علاقے اور دہلی خالصتان میں شامل ہے، بھارتی حکومت کی جانب سے مسلسل سکھوں پر پابندیاں لگائی جا رہی ہیں۔