ایران کی اسرائیلی شہریوں کو تل ابیب خالی کرنے کی وارننگ

اس سے قبل امریکی صدر ڈونلڈ ٹرمپ نے ایرانی شہریوں کو دارالحکومت تہران خالی کرنے کی وارننگ دی تھی۔

سماجی رابطے کی ویب سائٹ پر جاری بیان میں صدر ٹرمپ نے کہا تھا کہ میں نے ایران سے کہا تھا کہ نیوکلیر ڈیل پر دستخط کردیں، انہیں ایسا کرنا چاہیے تھا۔

انہوں نے مزید کہا کہ میں نے بارہا کہا تھا مگر ایسا نہیں کیا گیا، انسانی جانوں کا ضیاع شرم کی بات ہے، ایران کسی صورت نیوکلیئر ہتھیار حاصل نہیں کرسکتا۔

دوسری طرف اسرائیلی وزیر دفاع اسرائیل کاٹز نے ایرانی سپریم لیڈر آیت اللّٰہ خامنہ ای کو دھمکی دی اور کہا کہ ان کا حشر سابق عراقی صدر صدام حسین جیسا ہوسکتا ہے۔

ان کا کہنا تھا کہ یاد رکھیں کہ ایران کے ہمسایہ ملک میں اسرائیل مخالف آمر کا کیا ہوا تھا۔