ایران کی این پی ٹی سے الگ ہونےکی دھمکی

اقوام متحدہ میں ایران کے مستقل مندوب سعید ایراوانی نے اقوام متحدہ کی سلامتی کونسل میں خط جمع کرایا ہے جس میں واضح کیا گیا ہےکہ برطانیہ، فرانس اور جرمنی بے بنیاد الزامات لگارہے ہیں۔

انہوں نے کہا کہ اگر یہ تینوں ممالک ایران پر پابندیاں بحال کرنے کی کوششوں میں مصروف رہے تو ایران ایٹمی عدم پھیلاؤ کے معاہدے این پی ٹی سے دستبردار ہوجائے گا۔

خط میں یہ بھی کہا گیا ہے کہ مغربی اقدامات کا مناسب جواب دیا جائےگا اور آرٹیکل 10 کے تحت این پی ٹی سے علیحدگی اختیار کرنے کا عمل شروع کردیا جائے گا۔

واضح رہے ایران کی ایٹمی تنصیبات پر حملے کے بعد ایران کی درخواست پر آئی اے ای اے کا اجلاس بھی پیر کو بلالیا گیا ہے۔