مکہ مکرمہ میں دفاعی میزائل سسٹم کی تنصیب

سعودی عرب نے زمین سے فضا میں مارکرنے والے دفاعی میزائل سسٹم کی تنصیب کو عملی جامعہ پہنا دیا ہے، دفاعی میزائل سسٹم مکہ مکرمہ میں نصب کیا گیا ہے، جس کی تصاویر بھی جاری کر دی گئی ہیں،سعودی وزارت دفاع کا کہنا ہے کہ فضائی دفاعی فورسز کا مشن خدا کے مہمانوں کی حفاظ ہے۔

دوسری جانب فوجی ہیلی کاپٹر سے بھی مسجد الحرام اور گردو نواح کے علاقے کی فضائی نگرانی جاری ہے، سعودی خبر رساں ایجنسی کے مطابق سعودی ائیر فورس کی جانب سے سیکیورٹی، لاجسٹک اور امدادی آپریشنز میں تعاون کیا جا رہا ہے۔

کمانڈ ر ائیر فورس حج مشن گروپ کے مطابق سعودی ائیر فورس فضائی نگرانی، مریضوں کو ہیلی کاپٹر کے ذریعے منتقل کرنے اور ضروری آلات کی نقل و حرکت میں بھی معاونت کر رہی ہے۔