ون ڈے رینکنگ جاری،شاہین اور بابر ٹاپ پوزیشن پر براجمان

ون ڈے بیٹر اور بولرز کی نمبر ون پوزیشن پر پاکستان کے کھلاڑی براجمان ہیں۔

پاکستان کے بابر اعظم نمبر ون بیٹر کی پوزیشن پر برقرار ہیں جبکہ شاہین آفریدی 3 درجے ترقی کے بعد نمبر ون پوزیشن پر آئے ہیں۔

انٹرنیشنل کرکٹ کونسل نے نئی پلیئر رینکنگ جاری کر دی ہے جس کے مطابق زمبابوے کے سکندر رضا کی دوسری اور راشد خان ایک درجہ بہتری کے بعد تیسری پوزیشن پر ہیں۔

بیٹرز میں روہت شرما دوسری، شبمن گل تیسری اور ویرات کوہلی کی چوتھی پوزیشن برقرار ہے۔

ون ڈے آل راؤنڈرز رینکنگ میں افغانستان کے محمد نبی کی پہلی پوزیشن برقرار ہے۔

واضح رہے کہ پاکستان نے حال ہی میں آسٹریلیا کو ون ڈے سیریز میں 1-2 سے ہرایا ہے۔