بیرسٹر جاوید عباسی پی ٹی آئی پارلیمنٹیرین کے امیدوار بن گئے

تفصیلات کے مطابق ایبٹ آباد کے حلقہ این اے 16 کی صوبائی نشست پر ڈرامائی تبدیلی سامنے آئی ہے  اور سردار مہتاب گروپ سے تعلق رکھنے والے مسلم لیگ ن کے سابق  ایم پی اے اور سینیٹر بیرسٹر جاوید عباسی پی ٹی آئی پارلیمینٹیرین کے امیدوار بن گئے ہیں۔

آزاد حیثیت میں الیکشن لڑنے والے بیرسٹر جاوید عباسی کو باقاعدہ پی ٹی آئی پارلیمنٹرین کے حمایت یافتہ امیدوار نامزد کر دیے گئے ہیں جبکہ پی ٹی ائی پارلیمنٹیرینز کےپہلے سے نامزد امیدوار سردار شیر بہادر بیرسٹر جاوید کے حق میں دستبردار ہوگئے ہیں۔

سیاسی حلقے اس تبدیلی کو سردار شیر بہادر کی بہترین سیاسی حکمت عملی قرار دے رہے ہیں جبکہ بعض ذرائع دعویٰ کر رہے ہیں کہ بیرسٹر جاوید کے اس اقدام سے ان کے حلیف سردار رجب عباسی کو فائدہ پہنچے گا اور پی ٹی آئی کا پیٹنٹ ووٹ خالصتاً رجب عباسی کے حصے میں آئے گا۔ تاہم دوسری طرف باخبر ذرائع کا کہنا ہے کہ اس پیشرفت کوبڑی سطح پر سردار مہتاب اور سابق وزیراعلی اور پارلیمنٹیرینز کے سربراہ پرویز خٹک کے درمیان انڈرسٹینڈنگ کے تناظر میں دیکھا جانا چاہیے جس کے اثرات این اے 16 اور دیگر حلقوں میں بھی سامنے آ سکتے ہیں۔

دوسری طرف تازہ ترین اطلاعات کے مطابق تحریک انصاف پارلیمنٹرین یعنی پرویز خٹک گروپ نے این اے سولہ ایبٹ آباد سے اپنے امیدوار سردار شمریز سے راہیں جدا کر لی ہیں اور اِس حلقے میں سردار مہتاب احمد کی حمایت کا اعلان کر دیا ہے۔

Barrister Javed Abbasi became the PTI parliamentary candidate,بیرسٹر جاوید عباسی پی ٹی آئی پارلیمنٹیرین کے امیدوار بن گئے