سابق ٹیسٹ کرکٹر ہارون رشید نجم سیٹھی انتظامیہ میں ’فور ان ون‘ یعنی ان کے پاس چار عہدے تھے لیکن اب ان کے پاس کوئی ذمہ داری نہیں۔
ماضی کے بیٹر کو چیف سلیکٹر کے عہدے سے بھی فارغ کردیا گیا ہے۔
چیف سلیکٹر ہارون رشید کرکٹ بورڈ کے تمام عہدوں سے فارغ
نجم سیٹھی دور میں مینجمنٹ کمیٹی رکن اور چیف سلیکٹرسمیت 4 بڑے عہدوں پر کام کرنے والے ہارون رشید کو ایک ساتھ تمام عہدوں سے الگ کردیا گیا ہے، وہ اب مایوسی کی حالت میں لاہور سے کراچی پہنچ گئےہیں۔
یہ بھی پڑھیں نواز شریف کی منجمد جائیدادیں بحال کرنے کا حکم
70سالہ ہارون رشید نے پاکستان کی جانب سے 23 ٹیسٹ اور 12 ون ڈے انٹر نیشنل میچ کھیلے ہیں۔
ہارون رشید کئی دہائیوں سے پاکستان کرکٹ میں مختلف عہدوں میں ذمہ داریاں نبھا رہے ہیں،
انہیں پاور کوریڈورکے قریب تسلیم کیا جاتا ہے، حالیہ
دنوں میں انہوں نے غیر ملکی اور ملکی کوچز سے معاہدے کرنے میں بھی اہم کردار ادا کیا تھا۔
اِس وقت پاکستان کرکٹ بورڈ میں جنید ضیاء کے پاس ڈومیسٹک کرکٹ کا چارج ہے،
یہ عہدہ بھی ہارون رشید کے پاس تھا، جبکہ ایزد سید کی جگہ ذاکر خان قومی اکیڈمی کے انچارج ہیں۔
