بلوچستان (کوہسار نیوز) قومی کرکٹ ٹیم کے مایہ ناز فاسٹ بولر نسیم شاہد کو وردی پہنا کر بلوچستان پولیس کا ڈی ایس پی بنا دیا گیا۔
تفصیلات کے مطابق قومی فاسٹ بولر بلوچستان پولیس کے اعزازی سفیر مقرر کردیئے گئے،اس بارے کوئٹہ میں تقریب منعقد ہوئی
جس میں اعلیٰ پولیس حکام اور کھیلوں سے وابستہ شخصیات نے شرکت کی۔
تقریب میں فاسٹ بولر نسیم شاہ کو آئی جی پولیس بلوچستان عبدالخالق شیخ نے ڈی ایس پی کا اعزازی رینک لگایا
، تقریب میں بلوچستان پولیس کے شہدا پر مبنی ڈاکو مینٹری بھی دکھائی گئی اور پشاور سانحے کے شہداکیلئے فاتحہ خوانی بھی ہوئی۔
آئی جی بلوچستان نے کہا کہ نسیم شاہ کو بلوچستان پولیس کا حصہ بنانا اعزاز کی بات ہے،
فاسٹ بولر نے کم مدت اور محدود وسائل میں کرکٹ کا سفر طے کیا
گلیوں سے کھیل کر قومی ٹیم تک پہنچنا اعزاز کی بات ہے، آج نسیم شاہ نوجوانوں کو رول ماڈل کے طور پر نظر آ رہا ہے۔
آئی جی عبدالخالق شیخ کا کہنا تھا کہ بلوچستان پولیس کا مقصد صوبے میں امن کا قیام ہے
بلوچستان پولیس مشکل حالات اور کم وسائل کے باوجود چیلنجز کو فیس کیا،
صوبے کے 900 اہلکار اور افسران جام شہادت نوش کر چکے ہیں۔
