تازہ ترین خبروں کے مطابق امریکی مڈ ٹرم الیکشن میں ایوان نمائندگان میں ری پبلکنز کو برتری حاصل ہو گئی ہے اور ڈیمو کریٹس کے ہاتھوں سے کنٹرول جاتا نظر آ رہا ہے ۔
اب تک کے موصولہ نتائج کے مطابق 435 رکنی ایوان میں ری بلکنز کو 204 جبکہ ڈیموکریٹس کو صرف 176 نشستیں حاصل ہوسکی ہیں۔ جب کہ بقیہ نشستوں پر ووٹوں کی گنتی جاری ہے۔ یاد رہے کہ سینیٹ میں دونوں جماعتوں کو 48-48 نشستیں حاصل ہیں۔
یہ بھی خبر ہے کہ جارجیا میں سینیٹر رافیل اور ہرشل والکر کے درمیان دوبارہ مقابلہ ہوگا۔ اگر رافیل ہارگئے تو سینیٹ پر ڈیموکریٹس کا کنٹرول بھی خطرے میں پڑنے کا خدشہ پیدا ہو جائے گا۔
گزشتہ روز امریکی شہریوں نے ایوان نمائندگان کی تمام 435 اور سینیٹ کی 100 میں سے 35 نشستوں، 36 گورنروں، ریاستی اسمبلیوں اور مقامی سطح پر عوامی نمائندوں کا انتخاب کرنے کے لیے حق رائے دہی کا استعمال کیا تھا۔
موصولہ تازہ ترین نتائج کے مطابق امریکی ایوان نمائندگان میں ریپلکنز کو برتری حاصل ہو گئی ہے اور یوں عملی طور پر ڈیموکریٹس اپنا کنٹرول کھو بیٹھے ہیں۔
