انڈر 19 ورلڈ کپ:پاکستان سپر 6 میں پہنچ گیا

آئی سی سی انڈر 19 ورلڈ کپ کے 19 ویں میچ میں پاکستان نے زمبابوے کو 8 وکٹوں سے شکست دے کر سپر 6 مرحلے کے لیے کوالیفائی کر لیا۔ پاکستان انڈر 19 کرکٹ ٹیم نے 129 رنز کا ہدف 26.2 اوورز میں 2 وکٹوں کے نقصان پر حاصل کیا، سمیر منہاس 74 اور احمد حسین 24 رنز کے ساتھ ناقابل شکست رہے جبکہ عثمان خان نے 26 اور علی حسن بلوچ نے 3 رنز بنائے۔

ہرارے میں کھیلے گئے میچ میں پاکستان نے ٹاس جیت کر پہلے زمبابوے کو بیٹنگ کی دعوت دی۔ زمبابوے نے 35 اوورز میں 128 رنز بنائے اور پویلین لوٹ گئی۔ نتھینیل ہلابانگانا نے 59 اور برانڈن سینزیرے نے 15 رنز بنائے، جبکہ دیگر بلے بازوں کا اسکور محدود رہا۔ پاکستان کی جانب سے علی رضا نے 3، محمد صیام، عبدالسبحان اور مومن قمر نے دو دو وکٹیں حاصل کیں، احمد حسین نے ایک وکٹ لی۔

پاکستان کی ٹیم نے گروپ مرحلے میں دو میچ جیتے اور ایک میں شکست کا سامنا کیا، جبکہ سپر 6 کے لیے اپنی جگہ پکی کر لی ہے۔