طارق رحمان بنگلادیش نیشنلسٹ پارٹی کے چیئرمین مقرر

طارق رحمان سابق وزیراعظم خالدہ ضیا کے بیٹے ہیں اور گزشتہ ماہ 17 سالہ جلاوطنی کے بعد لندن سے وطن واپس لوٹے تھے۔ ان کی واپسی کے صرف پانچ دن بعد 30 دسمبر کو سابق وزیرِ اعظم اور بی این پی کے بانی ضیاالرحمان کی اہلیہ خالدہ ضیا طویل علالت کے بعد انتقال کر گئیں، جس کے ساتھ ہی بی این پی کی پہلی قیادت کی آخری زندہ کڑی بھی ختم ہو گئی۔

اب طارق رحمان محض خالدہ ضیا کے جانشین نہیں بلکہ 12 فروری کو متوقع انتخابات کی طرف بڑھتی ہوئی بی این پی کے بلاشرکت غیرے قائد کے طور پر پارٹی کی قیادت سنبھال چکے ہیں۔