تہران: ایران کے سپریم لیڈر آیت اللہ خامنہ ای نے کہا ہے کہ اسلامی جمہوریہ ایران کرائے کے فوجیوں کو برداشت نہیں کرے گا۔ انہوں نے عوام سے اتحاد اور یکجہتی قائم رکھنے کی تاکید کی۔
واضح رہے کہ ایران میں معاشی بحران اور حکومتی پالیسیوں کے خلاف ملک گیر مظاہرے جاری ہیں۔ 28 دسمبر سے شروع ہونے والے احتجاجات میں سکیورٹی اہلکاروں سمیت اب تک 45 افراد ہلاک ہو چکے ہیں۔
احتجاج کے دوران ایران بھر میں انٹرنیٹ سروس کو مکمل طور پر بند رکھا گیا، جس سے عوامی رابطہ اور معلومات تک رسائی متاثر ہوئی ہے۔
یہ مظاہرے ایران میں جاری سیاسی کشیدگی اور معاشی بحران کی سنگینی کو ظاہر کرتے ہیں۔
