امریکا کی بھارت اور چین پر 500 فیصد ٹیرف لگانے کی تیاری

تفصیلات کے مطابق امریکی قانون ساز اور دفاعی امور کے رہنما سینیٹر لنڈسے گراہم نے بتایا کہ نو منتخب صدر ڈونلڈ ٹرمپ نے روسی پابندیوں سے متعلق اس بل کی منظوری کی حمایت کا عندیہ دیا ہے۔ بل کے تحت روس سے تجارت کرنے والے ممالک، خاص طور پر بھارت، چین اور برازیل پر بھاری ٹیرف لگایا جا سکتا ہے اگر وہ روس سے تیل یا یورینیم کی خریداری جاری رکھتے ہیں۔

سینیٹر گراہم نے کہا کہ ان پابندیوں کا مقصد ماسکو کی معیشت کو کمزور کرنا اور روسی جنگی مشینری کے لیے فنڈز کی فراہمی روکنا ہے۔ بل کے قانون بننے کی صورت میں عالمی منڈی میں تیل کی قیمتوں اور روس کے بڑے تجارتی شراکت داروں کے ساتھ امریکہ کے تعلقات پر گہرے اثرات مرتب ہو سکتے ہیں۔

سینیٹر گراہم نے مزید کہا کہ امریکہ اب ایسے ممالک کو مزید رعایت دینے کے حق میں نہیں جو روس کی توانائی کی صنعت کو سہارا دے رہے ہیں۔