وینزویلا پرحملہ عالمی قوانین کی خلاف ورزی ہے:ممدانی

سماجی رابطے کی ویب سائٹ ایکس (ٹوئٹر) پر جاری بیان میں ممدانی نے کہا کہ انہیں صبح کے وقت مادورو اور ان کی اہلیہ کی امریکی فوجی کارروائی کے بارے میں بریفنگ دی گئی، جس میں بتایا گیا کہ انہیں گرفتار کر کے نیویارک منتقل کیا جا رہا ہے۔

ممدانی کے مطابق کسی خودمختار ملک پر یکطرفہ حملہ جنگی اقدام کے مترادف ہے اور یہ امریکی وفاقی قوانین اور بین الاقوامی قانون دونوں کی خلاف ورزی ہے۔ انہوں نے کہا کہ حکومت کی تبدیلی کی کوششیں نہ صرف بیرونِ ملک بلکہ امریکا کے اندر بھی اثر انداز ہوتی ہیں۔

میئر ممدانی نے مزید کہا کہ اس صورتحال کا براہِ راست اثر نیویارک میں رہنے والے دسیوں ہزار وینزویلا نژاد شہریوں پر پڑتا ہے، اور ان کی اولین ترجیح تمام نیویارکرز کی سلامتی ہے۔ انہوں نے بتایا کہ ان کی انتظامیہ صورتحال پر مسلسل نظر رکھے ہوئے ہے اور عوام کی حفاظت کے لیے ضروری ہدایات جاری کرتی رہے گی۔