پلوامہ حملہ بی جے پی کی سازش تھا:بھارتی رہنما

سناتن پانڈے کا کہنا تھا کہ حقائق چھپانے کے لیے پلوامہ واقعے کو ایک سازش کے طور پر پیش کیا گیا۔ انہوں نے سوال اٹھایا کہ بھارتی حکومت آج تک یہ وضاحت نہیں کر سکی کہ حملے میں استعمال ہونے والا آر ڈی ایکس کہاں سے آیا۔

ان کا کہنا تھا کہ بغیر کسی ٹھوس تحقیقات اور شواہد کے پاکستان پر الزام عائد کرنا مودی حکومت کی پرانی روش بن چکی ہے، جبکہ اصل حقائق عوام کے سامنے نہیں لائے گئے۔

واضح رہے کہ فروری 2019 میں مقبوضہ کشمیر کے علاقے پلوامہ میں لیت پورہ ہائی وے پر دھماکہ خیز مواد سے بھری گاڑی نیم فوجی دستے سی آر پی ایف کی بس سے ٹکرا گئی تھی، جس کے نتیجے میں 40 سے زائد اہلکار ہلاک ہو گئے تھے۔