انڈر 19 ایشیا کپ 2025 کے شیڈول کا اعلان-ایشین کرکٹ کونسل نے انڈر 19 ایشیا کپ 2025 کا مکمل شیڈول جاری کر دیا ہے، جس کے مطابق ایونٹ 12 سے 21 دسمبر تک متحدہ عرب امارات میں منعقد ہوگا۔
جاری کردہ گروپنگ کے مطابق پاکستان اور بھارت کی انڈر 19 ٹیمیں گروپ اے میں شامل ہیں، جبکہ اسی گروپ میں کوالیفائر ون اور کوالیفائر تھری کی ٹیمیں بھی شامل کی گئی ہیں۔ گروپ بی میں بنگلا دیش، سری لنکا، افغانستان اور کوالیفائر ٹو شامل ہوں گے۔
پاکستانی ٹیم اپنا پہلا میچ 12 دسمبر کو کوالیفائر تھری کے خلاف کھیلے گی، جبکہ 14 دسمبر کو دبئی میں روایتی حریف بھارت کے مدمقابل ہوگی۔ گرین شرٹس کا تیسرا گروپ میچ 16 دسمبر کو کوالیفائر ون کے خلاف شیڈول ہے۔
ایونٹ کے سیمی فائنلز 19 دسمبر اور فائنل 21 دسمبر کو کھیلا جائے گا۔
