حسینہ واجد پر مقدمے کا فیصلہ کل سنایا جائے گا

مقدمے میں الزام ہے کہ 2024 میں طلبہ تحریک کے خلاف سخت کریک ڈاؤن کے دوران وسیع پیمانے پر ہلاکتیں ہوئیں، جن میں اقوام متحدہ کے مطابق تقریباً 1400 افراد جان کی بازی ہار گئے۔

دوسری جانب عدالتی فیصلہ سنانے سے قبل ملک میں پرتشدد مظاہروں کا سلسلہ جاری ہے اور کئی مظاہرین کو گرفتار کرلیا گیا ہے۔ عوامی لیگ نے مقدمے کے خلاف احتجاج کے لیے ملک گیر "لاک ڈاؤن” کا اعلان کیا ہے۔

سخت کشیدگی کے پیش نظر حکومت نے دارالحکومت میں حفاظتی اقدامات بڑھا دیے ہیں اور تقریباً 400 فوجی تعینات کر دیے گئے ہیں تاکہ امن و امان برقرار رکھا جا سکے۔