پاکستان بھارت کو شکست دے کر سیمی فائنل میں پہنچ گیا

قطر کے دارالحکومت دوحا میں کھیلے گئے میچ میں پاکستان شاہینز نے ٹاس جیت کر فیلڈنگ کا فیصلہ کیا۔ بھارت اے کی ٹیم پہلے بیٹنگ کرتے ہوئے 137 رنز بنا سکی۔ سوریاونسی 45 رنز کے ساتھ نمایاں رہے جبکہ نمن دھیر نے 35 رنز کا اضافہ کیا۔

پاکستان کی جانب سے شاہد عزیز نے عمدہ بولنگ کرتے ہوئے 3 وکٹیں حاصل کیں، جبکہ سعد اور معاذ نے 2،2 کھلاڑیوں کو آؤٹ کیا۔

ہدف کے تعاقب میں پاکستان شاہینز نے معاذ صداقت کی بہترین بیٹنگ کے باعث صرف دو وکٹوں کے نقصان پر 137 رنز کا ہدف کامیابی سے حاصل کرلیا اور سیمی فائنل میں جگہ بنالی۔