-سری لنکن کھلاڑیوں کا سیریزادھوری چھوڑ کر واپس جانےکاارادہ-دورہ پاکستان پر موجود سری لنکن کرکٹ ٹیم کے کھلاڑی سیریز ادھوری چھوڑ کر واپس جانے کا ارادہ رکھتے ہیں۔ سری لنکن ٹیم کے منیجر نے اس حوالے سے واضح کیا کہ کھلاڑی واپس جانا چاہتے ہیں۔
ذرائع کے مطابق چیئرمین کرکٹ بورڈ اور وزیر داخلہ کچھ دیر بعد سری لنکن ٹیم سے ملاقات کریں گے، جس میں کھلاڑیوں کو سیکیورٹی پر مکمل بریفنگ دی جائے گی۔
اس سے قبل سری لنکن ٹیم نے آج کا پریکٹس سیشن منسوخ کر دیا، جبکہ پاکستان ٹیم نے آج آرام کا فیصلہ کیا تھا۔ شام میں شیڈول پریکٹس سیشن بھی منسوخ کیا گیا۔
واضح رہے کہ سری لنکا کو پاکستان کے خلاف سیریز کے بقیہ دو ون ڈے میچز اور بعد میں پاکستان میں سہ ملکی سیریز کھیلنی ہے۔ دوسرا ون ڈے کل راولپنڈی میں شیڈول ہے۔
