فیصل آباد: فیصل آباد کے اقبال کرکٹ اسٹیڈیم میں کھیلے گئے ون ڈے میچ میں جنوبی افریقا نے پاکستان کا مقررہ 270 رنز کا ہدف 40.1 اوورز میں صرف 2 وکٹوں کے نقصان پر حاصل کر لیا۔
پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 9 وکٹوں کے نقصان پر 269 رنز بنائے۔ سلمان آغا نے 69 اور محمد نواز نے 59 رنز بنا کر ٹیم کو سہارا دیا، جبکہ صائم ایوب نے 53 رنز اسکور کیے۔ پاکستان کے اوپنرز فخر زمان صفر، بابر اعظم 11 اور محمد رضوان 4 رنز بنا کر پویلین لوٹے۔
جنوبی افریقا کی جانب سے کوئنٹن ڈی کوک نے شاندار 123 رنز ناٹ آوٹ اسکور کیے، جبکہ ڈی زورزی 76 اور پری ٹوریس 46 رنز کے ساتھ نمایاں رہے۔ مہمان ٹیم نے پاکستان کا ہدف 41 ویں اوور میں صرف 2 وکٹوں کے نقصان پر مکمل کر کے 8 وکٹوں سے کامیابی حاصل کی۔
