تیسرا اور فیصلہ کن ٹی20:پاکستان کو جیت کے لیے140 رنز کا ہدف

جنوبی افریقہ نے مقررہ 20 اوورز میں 9 وکٹوں کے نقصان پر 139 رنز بنائے۔ مہمان ٹیم کی جانب سے ریزا ہینڈرکس نے 34، کپتان ڈونووان فریرا نے 29، ڈیوالڈ بریوس نے 21 اور اینڈائل سمیلنے 13 رنز بنا کر آؤٹ ہوئے۔ میتھیو بریٹزکی نے 1 اور لیزاد ولیمز نے 5 رنز بنائے، جبکہ کوربن بوش 30 رنز بنا کر ناٹ آؤٹ رہے۔ جنوبی افریقہ کے تین کھلاڑی صفر پر آؤٹ ہوئے۔

پاکستان کی جانب سے شاہین شاہ آفریدی نے 3 وکٹیں حاصل کیں، جبکہ فہیم اشرف اور ڈیبیو کرنے والے عثمان طارق نے دو، دو کھلاڑیوں کو آؤٹ کیا۔ عثمان طارق آج اپنے ٹی 20 ڈیبیو کر رہے ہیں۔

ٹی 20 سیریز کے پہلے میچ میں جنوبی افریقہ نے پاکستان کو 55 رنز سے شکست دی تھی، جب راولپنڈی کرکٹ سٹیڈیم میں پروٹیز ٹیم کے 195 رنز کے تعاقب میں پاکستان 19 ویں اوور میں 139 رنز پر ڈھیر ہو گئی تھی۔

دوسرے میچ میں پاکستان نے جنوبی افریقہ کو 9 وکٹوں سے شکست دے کر سیریز کو 1-1 برابر کر دیا تھا، اور تیسرا میچ فیصلہ کن حیثیت رکھتا ہے۔