محمد رضوان نے سینٹرل کنٹریکٹ پر دستخط کرنے سے انکار کر دیا

محمد رضوان نے سینٹرل کنٹریکٹ پر دستخط کرنے سے انکار کر دیا

لاہور: قومی کرکٹ ٹیم کے سابق کپتان محمد رضوان نے سینٹرل کنٹریکٹ پر دستخط کرنے سے انکار کر دیا ہے۔

ذرائع کے مطابق محمد رضوان نے کچھ معاملات پر پاکستان کرکٹ بورڈ (PCB) سے وضاحت طلب کی ہے، جس کے باعث انہوں نے تاحال کنٹریکٹ پر دستخط نہیں کیے۔ ان کے علاوہ تمام کھلاڑیوں نے سینٹرل کنٹریکٹ پر دستخط کر دیے ہیں۔

محمد رضوان نے دستخط کرنے سے قبل PCB کے سامنے کچھ مطالبات رکھے، تاہم بورڈ نے انہیں منظور نہیں کیا اور ذرائع کے مطابق اس وقت ان کے مطالبات منظور ہونے کا امکان بھی کم ہے۔

واضح رہے کہ محمد رضوان کو 2025 کے لیے سینٹرل کنٹریکٹ کی بی کیٹیگری میں شامل کیا گیا تھا۔ PCB نے گزشتہ روز مجموعی طور پر 30 کھلاڑیوں کو سینٹرل کنٹریکٹ جاری کیے تھے۔

یہ بھی نوٹ کیا گیا کہ محمد رضوان کو حال ہی میں ون ڈے ٹیم کی کپتانی سے ہٹایا گیا اور انہیں ٹی ٹوئنٹی ٹیم سے بھی ڈراپ کیا گیا ہے۔