افغان وزیر داخلہ کے نائب کو عہدے سے ہٹا دیا گیا

افغان وزارت داخلہ کے مطابق طالبان کے سپریم لیڈر ملا ہیبت اللہ اخوندزادہ نے عبداللہ مختار کی جگہ محمد وزیر کو نائب وزیر داخلہ مقرر کیا ہے، جنہوں نے اپنا عہدہ سنبھال لیا ہے۔

ذرائع کے مطابق نئے نائب وزیر کی حلف برداری کی تقریب میں سراج الدین حقانی موجود نہیں تھے، تاہم ان کے قریبی ساتھی شریک تھے۔

افغان صحافی سمیع یوسفزئی کے مطابق سراج الدین حقانی کے وزارت داخلہ میں اختیارات محدود کر دیے گئے ہیں، جبکہ ان کے قریبی ساتھی عبداللہ مختار کو بھی عہدے سے ہٹا دیا گیا ہے۔

انہوں نے کہا کہ خلیل حقانی کے قتل کے بعد سراج الدین حقانی کی پوزیشن مزید کمزور ہوگئی ہے۔