ایران کا دوٹوک اعلان:یورینیم افزودگی سے پیچھے نہیں ہٹیں گے

علی خامنہ ای نے واضح کیا کہ دباؤ یا پابندیوں کے تحت مذاکرات کسی بھی ملک کے لیے قابل قبول نہیں ہو سکتے۔ موجودہ حالات میں امریکا سے بات چیت ایران کے قومی مفاد میں نہیں اور نہ ہی ایسے مذاکرات تہران کو کسی قسم کا تحفظ فراہم کریں گے۔

ان کا کہنا تھا کہ امریکا پہلے ایران پر الزام لگاتا تھا کہ ایٹمی آلات نہ رکھے جائیں، لیکن اب وہ اس سے بھی آگے بڑھ کر یہ کہہ رہا ہے کہ یورینیم افزودگی بالکل نہ کی جائے۔ ’’ہم کسی دباؤ میں نہیں آئیں گے اور اپنے ایٹمی پروگرام کے بنیادی حق سے دستبردار نہیں ہوں گے۔‘‘

واضح رہے کہ امریکی صدر ڈونلڈ ٹرمپ نے اقوام متحدہ کی جنرل اسمبلی سے خطاب میں کہا تھا کہ ایران کو ایٹمی ہتھیار رکھنے کی اجازت ہرگز نہیں دی جائے گی۔