ٹی20 ایشیا کپ:سری لنکا نے پاکستان کو 134 رنز کا ہدف دیا

کوسل مینڈس نے سب سے نمایاں کارکردگی دکھاتے ہوئے نصف سنچری اسکور کی، جبکہ دیگر کھلاڑیوں میں پاتھن آسالنکا نے 20، پریرا اور ہاسارنکا نے 15، 15 رنز بنائے۔ چمیکا کرونارتنے 17 رنز کے ساتھ ناٹ آؤٹ رہے۔

پاکستانی باؤلرز میں شاہین شاہ آفریدی نے 3 کھلاڑیوں کو آؤٹ کیا، حارث رؤف اور حسین طلعت نے 2، 2 وکٹیں حاصل کیں جبکہ ابرار احمد نے ایک کھلاڑی کو پویلین بھیجا۔

اس سے قبل پاکستان نے ٹاس جیت کر سری لنکا کو بیٹنگ کی دعوت دی تھی، اور یہ فیصلہ درست ثابت ہوا کیونکہ سری لنکن ٹیم کے ابتدائی پانچ کھلاڑی 58 رنز پر پویلین لوٹ گئے۔

ایونٹ کے سپر فور مرحلے میں دونوں ٹیمیں پہلے ہی اپنے ابتدائی میچز میں شکست کا سامنا کرچکی ہیں۔ پاکستان کو بھارت نے 6 وکٹوں سے ہرایا تھا جبکہ سری لنکا کو بنگلادیش نے 4 وکٹ سے مات دی تھی۔

پاکستانی ٹیم نے بھارت کے خلاف کھیلی جانے والی پلیئنگ الیون ہی میدان میں اتاری ہے، جس میں کپتان سلمان علی آغا، فخر زمان، صاحبزادہ فرحان، صائم ایوب، محمد نواز، حسین طلعت، فہیم اشرف، محمد حارث، شاہین آفریدی، حارث رؤف اور ابرار احمد شامل ہیں۔