سری لنکا نے بنگلادیش کو 6 وکٹ سے شکست دے دی

ابوظبی: ٹی20 ایشیا کپ کے پانچویں میچ میں سری لنکا نے بنگلادیش کو 6 وکٹ سے شکست دے کر ایونٹ میں فاتحانہ آغاز کیا۔

گروپ بی کے اہم میچ میں بنگلادیش نے سری لنکا کو 140 رنز کا ہدف دیا، جسے سری لنکا نے 4 وکٹ کے نقصان پر 32 گیندیں قبل ہی حاصل کر لیا۔ نسانکا نے 50 رنز اور کمل مشرا نے 46 رنز ناٹ آؤٹ بنا کر ٹیم کی فتح میں نمایاں کردار ادا کیا۔

میچ کی ٹاس سری لنکن کپتان نے جیتی اور بنگلادیش کو پہلے بیٹنگ کی دعوت دی۔ بنگلادیش نے مقررہ 20 اوورز میں 5 وکٹوں پر 139 رنز بنائے۔ شمیم حسین نے 42 اور ذاکر علی نے 41 رنز کی ناقابل شکست شراکت قائم کی، جس سے مشکل وقت میں ٹیم کو 86 رنز کا سہارا ملا۔ بنگلادیشی کپتان لٹن داس نے 28، مہدی حسن 9 رنز بنائے، جبکہ اوپننگ جوڑی تنزید حسین اور پرویز حسین ایمان بغیر رنز بنائے پویلین لوٹے۔

سری لنکا کی جانب سے ونندو ہسارنگا نے 2، جبکہ نوان تھوشارا اور دشمانتا چیمیرا نے ایک ایک وکٹ حاصل کی۔

سری لنکن کپتان نے کہا کہ پچ کی تازہ صورتحال دیکھنے کے بعد بنگلادیش کو پہلے بیٹنگ کی دعوت دی گئی۔