پاکستان فٹ بال فیڈریشن نے نیا لوگو منظور کرلیا

اجلاس کے موقع پر صدر پی ایف ایف نے کہا کہ پرانا لوگو قومی شناخت اور وقار کی مکمل عکاسی نہیں کرتا تھا، جبکہ نیا لوگو پاکستان کی ثقافت، روح اور عالمی امیج کو اجاگر کرے گا۔

انہوں نے کہا کہ یہ نیا ڈیزائن پاکستان میں فٹ بال کی میراث اور مستقبل کی امنگوں کی علامت ہے، جو اسپانسرز کی توقعات کے مطابق جدید اور نمائندہ انداز میں متعارف کرایا گیا ہے۔

محسن گیلانی کے مطابق نیا لوگو ملک میں فٹ بال کے احیاء اور عالمی سطح پر پاکستان کے امیج کو مضبوط بنانے کا حصہ ہے۔