پاکستانی کرکٹر حیدر علی ریپ کیس سے بری
مانچسٹر پولیس نے پاکستانی کرکٹر حیدر علی کے خلاف مبینہ ریپ کیس ناکافی شواہد کی بنا پر خارج کر دیا۔
پولیس ذرائع کے مطابق حیدر علی پر لگائے گئے الزامات ثابت نہ ہو سکے، جس کے بعد ان کا پاسپورٹ جلد واپس کیے جانے کا امکان ہے۔
کیس کے خاتمے کے بعد حیدر علی برطانیہ آنے اور جانے میں آزاد ہوں گے۔ پولیس نے طویل تحقیقات کے باوجود کرکٹر کے خلاف کوئی ٹھوس ثبوت پیش نہ کیا۔
یاد رہے کہ حیدر علی کو تقریباً دو ہفتے قبل ایک لڑکی کی شکایت پر گرفتار کیا گیا تھا۔
