ترکیہ کا اسرائیل سے تعلقات معطل کرنے کا اعلان

غیر ملکی میڈیا کے مطابق ترک وزیر خارجہ حاقان فیدان نے گرینڈ نیشنل اسمبلی کے غزہ پر منعقدہ اجلاس سے خطاب کرتے ہوئے کہا کہ اب ترک بحری جہاز اسرائیلی بندرگاہوں کا رخ نہیں کریں گے اور اسرائیلی طیاروں کو بھی ترکی کی فضائی حدود استعمال کرنے کی اجازت نہیں ہوگی۔

انہوں نے کہا کہ اسرائیل گزشتہ دو برس سے غزہ میں انسانی حقوق کی سنگین خلاف ورزیوں اور نسل کشی میں ملوث ہے، جو بنیادی انسانی اقدار کے منافی ہے۔ ترک وزیر خارجہ نے مزید واضح کیا کہ ترکیہ ایسے کسی منصوبے کو قبول نہیں کرے گا جس کا مقصد فلسطینیوں کو غزہ سے جبری بے دخل کرنا ہو۔