ایران کا فضائی حدود مکمل طور پر کھولنے کا اعلان

تہران: ایران نے آج سے اپنی فضائی حدود کو مکمل طور پر کھولنے کا اعلان کر دیا۔

غیر ملکی خبر رساں ایجنسی کے مطابق ایران اور اسرائیل کے درمیان 12 روزہ کشیدگی کے بعد ایران نے آج سے اپنی فضائی پابندیاں ختم کردی ہیں۔

ایرانی شہری ہوابازی کے ادارے سول ایوی ایشن آرگنائزیشن نے تصدیق کی ہے کہ اب نہ صرف ملکی بلکہ غیر ملکی پروازیں بھی ایران کی فضائی حدود استعمال کر سکیں گی۔

ادارے کی جانب سے جاری اعلامیے میں بتایا گیا ہے کہ تمام فلائٹ آپریشنز مکمل طور پر بحال کر دیئے گئے ہیں۔ جبکہ مہرآباد ایئرپورٹ کو بھی اب 24 گھنٹے کے لیے پروازوں کے لیے کھول دیا گیا ہے۔