پاک بھارت ٹاکرے پر بھارتی حکومت کا مؤقف

بھارتی میڈیا نے بتایا ہے کہ بھارتی وزارتِ کھیل نے ایشیاء کپ پر تمام تر فیصلوں کا ذمے دار بی سی سی آئی کو ٹھہرایا ہے۔

بھارتی وزارتِ کھیل کے ذرائع کے مطابق ابھی تک بی سی سی آئی وزارتِ کھیل کے ماتحت نہیں ہے۔

ذرائع بھارتی وزارت کھیل نے بتایا ہے کہ نیشنل اسپورٹس گورننس بل ابھی پاس نہیں ہوا، مجوزہ نیشنل اسپورٹس بل میں بھارتی بورڈ بھی شامل ہے۔

بھارتی وزارتِ کھیل کے ذرائع کا یہ بھی کہناہے کہ بل کے تحت وزارتِ کھیل بھارتی ٹیم یا ایتھلیٹس کو غیر معمولی حالات میں بین الاقوامی ایونٹس میں شرکت سے روک سکتی ہے۔