لارڈز ٹیسٹ میں بھارت کوشکست

دوسری اننگز میں انگلینڈ کی ٹیم 192 رنز بناکر آؤٹ ہوئی۔

میچ میں بھارت کو فتح کے لیے 193رنز کا ہدف ملا تھا اور آخری روز بھارت کو کامیابی کے لیے مزید 135 رنز اور انگلینڈ کو 6 وکٹیں درکار تھیں۔ تاہم بھارتی ٹیم اپنی دوسری اننگز میں 170رنز بناکر آؤٹ ہوگئی۔

آل راؤنڈر رویندرا جدیجا نے کافی مزاحمت کی مگر وہ بھارت کو شکست سے نہ بچاسکے، اُنہوں نے 61 رنز کی ناقابل شکست اننگز کھیلی اور کے ایل راہول نے 39 رنز بنائے، اُن کے علاوہ کوئی اور بیٹر انگلش بولرز کے سامنے نہ ٹک سکا۔

بھارت کی دوسری اننگز میں کپتان بین اسٹوکس نے 48 اور جوفرا آرچر نے 55 رنز کے عوض تین، تین وکٹیں حاصل کیں، برائیڈن کارز نے دو کھلاڑیوں کو آؤٹ کیا۔

پانچ ٹیسٹ پر مشتمل سیریز میں انگلینڈ کو دو ایک کی برتری حاصل ہوگئی۔