جنرل ساحر شمشاد مرزا کا آسٹریلیا کا دورہ

دفاعی اور سیکورٹی مذاکرات کا مقصد باہمی افہام و تفہیم کو مضبوط بنانا اور افواج کے درمیان دفاعی تعاون کو مزید وسعت دینے کے لیے شعبوں کی نشاندہی کرنا تھا۔

ملاقاتوں کے دوران دونوں فریقین نے عالمی اور علاقائی ماحول، سلامتی کے چیلنجز اور موجودہ دوطرفہ فوجی تبادلوں کو بڑھانے کے مواقع سمیت وسیع تر امور پر بات چیت کی۔

دورے کے دوران انہوں نے آسٹریلین ڈیفنس کالج میں پاکستان کی سلامتی کے تناظر میں ایک لیکچر دیا اور علاقائی امن و استحکام میں پاکستان کے کردار پر روشنی ڈالی۔

انہوں نے آسٹریلوی بحری جہاز ہمس ایڈیلیڈ کا دورہ بھی کیا۔ قبل ازیں سی ڈی ایف کے دفتر پہنچنے پر تینوں مسلح افواج کے چاق و چوبند دستے نے ان کو گارڈ آف آنر پیش کیا۔