عراق میں پھنسے 268 پاکستانی وطن پہنچ گئے، دفتر خارجہ

ترجمان دفتر خارجہ کا کہنا تھا کہ خصوصی پروازیں 268 پاکستانیوں کو بصرہ سے لے کر کراچی اور اسلام آباد پہنچ گئی ہیں، ترجمان کا کہنا تھا کہ وزارت خارجہ کا عراقی ایئر ویز اور حکام سے مسلسل رابطہ ہے۔

انہوں نے زائرین کو ہدایت جاری کرتے ہوئے کہا کہ سفارتخانے اور ایئر لائن سے رابطے میں رہیں اور مختصر نوٹس پر سفر کے لیے تیار رہیں، ترجمان دفتر خارجہ کا کہنا تھا کہ وزارت خارجہ تمام پاکستانیوں کی محفوظ واپسی کے لیے پرعزم ہے۔

قبل ازیں آج ایران سے مزید 350 پاکستان زائرین اور طلبہ تفتان پہنچے تھے، ڈان نیوز کے مطابق ذرائع نے بتایا کہ ایران سے پہنچنے والے زیادہ تر زائرین ہیں، تاہم ایران سے پہنچے والوں میں 45 طلبہ بھی شامل ہیں۔ ذرائع کا کہنا تھا کہ ایران سے تفتان پہنچنے والے زائرین اور طلبہ کو کوئٹہ روانہ کیا جائے گا۔