بھارتی فوجیوں نے مزید 5کشمیریوں کے گھر مسمار کر دیے

بھارت کے غیر قانونی زیر قبضہ جموں وکشمیر میں بھارتی فوجیوں نے پلوامہ ، کولگام اور شوپیاں اضلاع میں مزید 5کشمیریوں کے گھر مسمار کر دیے ہیں جس سے گزشتہ روز سے مسمار کیے جانے والے گھروں کی تعداد 7ہو گئی۔

کشمیر میڈیا سروس کے مطابق فوجیوں نے ضلع پلوامہ کے رہائشیوں احسان احمد شیخ، احسن الحق اور حارث احمد، ضلع شوپیاں کے رہائشی شاہد احمد جبکہ ضلع کولگام کے رہائشی ذاکر احمد گنائی کے گھر دھماکہ خیز مواد کے ذریعے گرا دیے۔

یاد رہے کہ بھارتی فوجیوں نے گزشتہ روز پلوامہ اور اسلا م آباد اضلاع میں آصف شیخ اور عادل ٹھوکر نامی کشمیریوں کے گھر مسمار کیے تھے۔

یاد رہے کہ مقبوضہ جموںوکشمیر میں بے لگام بھارتی فورسز نے پہلگام واقعے کی آڑ میں کشمیری مسلمانوں کے خلاف اپنے وحشیانہ مظالم میں تیزی لائی ہے۔ بھارتی فوجیوں اور پیراملٹری اہلکاروں نے گزشتہ چند روز کے دوران تلاشی آپریشوں ، گھروں پر چھاپوں کے دوران سینکڑوں بے گناہ کشمیری نوجوان گرفتار کیے۔ فوجیوں نے آزادی پسند کشمیریوں کو ڈرانے دھماکے اور خوف دہشت کا شکار کرنے کیلئے انکے گھروں کی مسماری کا وحشیانہ عمل بھی تیز کر دیا ہے۔KMS-01/M