چیمپیئنز ٹرافی،بنگلہ دیشی ٹیم پاکستان پہنچ گئی

بنگلہ دیشی ٹیم آئی سی سی چیمپیئنز ٹرافی میں اپنے باقی گروپ اسٹیج میچز کھیلنے کے لیے پاکستان پہنچ گئی۔

بنگلہ دیش کرکٹ ٹیم کپتان نجم الحسن شانتو کی قیادت میں دبئی سے اسلام آباد پہنچی، بنگلہ دیش اپنے پہلے آئی سی سی چیمپئنز ٹرافی 2025 کے میچ میں دبئی میں بھارت سے ہار گیا تھا۔

بنگلہ دیش اپنا اگلا میچ 24 فروری کو نیوزی لینڈ کے خلاف راولپنڈی کرکٹ اسٹیڈیم میں کھیلے گی، آخری گروپ میچ 27 فروری کو پاکستان کے خلاف راولپنڈی کرکٹ اسٹیڈیم میں ہی کھیلا جائے گا۔