آئی سی سی نے چیمپئز ٹرافی کی تیاری کی ویڈیو جاری کردی

muhammad aamir 17 فروری, 2025 10:37 شام 11 مناظر

انٹرنیشنل کرکٹ کونسل (آئی سی سی) نے چیمپئز ٹرافی کی تیاری کی ویڈیو جاری کردی۔

آئی سی سی کی جانب سے جاری کی گئی ویڈیو کے پیغام میں بتایا گیا کہ انگلینڈ سے تعلق رکھنے والے تھامس لائٹ نے ٹرافی ڈیزائن کی۔

ویڈیو میں ٹرافی کی تیاری کے مختلف مراحل کی عکس بندی کی گئی ہے۔

ویڈیو میں ڈیزائنر تھامس لائٹ کا کہنا تھا کہ چیمپئنز ٹرافی کی خوبصورت ٹرافی کی تیاری میں بڑی محنت کی گئی۔

انہوں نے یہ بھی کہا کہ اچھی ٹرافی تیار کرنے میں کافی دباؤ ہوتا ہے، آئی سی سی کےلیے ٹرافی تیار کرنا اعزاز ہے۔

خیال رہے کہ آئی سی سی چیمپئنز ٹرافی 2025 پاکستان میں شیڈول ہے، ایونٹ کا پہلا میچ پاکستان اور نیوزی لینڈ کے درمیان 19 فروری کو کھیلا جائے گا۔