ہمیں حماس کی باقیات کو بھی ختم کرنا ہوگا، نیتن یاہو

امریکی میڈیا کو انٹرویو دیتے ہوئے اسرائیلی وزیراعظم نیتن یاہو نے حماس کے ساتھ جنگ بندی معاہدے کے باوجود اپنے مذموم عزائم کا اظہار کیا۔

انکا کہنا تھا کہ صدر ڈونلڈ ٹرمپ وائٹ ہاؤس میں اسرائیل کے سب سے بڑے دوست ہیں، ٹرمپ اسرائیل اور امریکا کے اتحاد کو مزید مضبوط بنا رہے ہیں۔

نیتن یاہو نے کہا کہ ڈونلڈ ٹرمپ کی قیادت میں اب اسرائیل کا امریکا سے بہتر کوئی دوست نہیں، صدر ٹرمپ کے ساتھ مل کر ہم تاریخ بدل سکتے ہیں، ڈونلڈ ٹرمپ کے ساتھ مل کر ہم مزید امن معاہدے حاصل کر سکتے ہیں۔

اسرائیلی وزیراعظم نے کہا کہ صدر ٹرمپ کے ساتھ ہم ایک وسیع تر اور دیرپا امن حاصل کر سکتے ہیں۔