الیگزینڈر لوکاشینکو مسلسل7 ویں بار بیلا روس کے صدر منتخب

عالمی میڈیا کے مطابق روس سے آزادی کے بعد الیگزینڈر لوکاشینکو بیلا روس کے پہلے صدر 1994 میں بنے تھے، وہ گذشتہ 30 برس سے صدارتی انتخاب میں فتح حاصل کرتے آرہے ہیں۔مسلسل 7 ویں مرتبہ بیلا روس کے صدر منتخب ہونے والے الیگزینڈر لوکاشینکو نے اس بار بھی بھاری اکثریت سے فتح حاصل کی ہے۔

ان کے مدمقابل میں 4 امیدواروں میں سے کوئی بھی 5 فیصد ووٹ حاصل نہیں کرسکا، الیگزینڈر کو 87 فیصد ووٹ ملے ہیں، مدمقابل میں چاروں صدارتی امیدوار بھی ان کے حامی تھے۔ روس کو یوکرین جنگ میں فضائی اڈے اور اپنی سرحد استعمال کرنے کی اجازت دینے سے الیگزینڈر لوکاشینکو اور روسی صدر پوٹن کے درمیان گہری دوستی عیاں ہوتی ہے۔