چین میں سامنے آنے والا نیا وائرس کتنا خطرناک ہے؟

رپورٹس میں یہ بھی دعویٰ کیا گیا ہے کہ چین میں ایچ ایم پی وی، انفلوئنزا اے، نمونیا اور کووڈ 19 سمیت متعدد وائرس پھیلنے سے ہسپتالوں میں رش بڑھ گیا ہے اور سسٹم الرٹ موڈ پر آگیا ہے۔

پیر کو بھارت میں بھی ایچ ایم پی وائرس کے تین کیسز کی تصدیق ہوئی ہے جس میں سے دو کیس بنگلورو اور ایک احمد آباد میں پایا گیا، تینوں کیسز دو سے آٹھ ماہ کے شیر خوار بچوں میں سامنے آئے۔

بھارتی میڈیا کے مطابق بچوں اور انکے اہل خانہ کی کوئی حالیہ ٹریول ہسٹری نہیں تھی اور نہ ان میں کوئی علامات ظاہر ہوئیں۔ طبی ماہرین کے مطابق یہ وائرس فلو اور سانس کے شدید مسائل کا باعث بن سکتا ہے جو خاص طور پر چھوٹے بچوں، بوڑھوں اور کمزور مدافعتی نظام والے لوگوں کو متاثر کرتا ہے۔ چین کے سرکاری نشریاتی ادارے سی سی ٹی وی نے بتایا کہ یہ بیماری دسمبر کے آخر میں 14 سال اور اس سے کم عمر کے بچوں میں ظاہر ہوئی۔