ویسٹ انڈیز کیخلاف سیریز میں سپنر ساجد خان کی واپسی

قومی کرکٹ ٹیم کے سپنر ساجد خان کی ویسٹ انڈیز کے خلاف سیریز میں واپسی ہو گی۔

ذرائع کے مطابق ساجد خان کو ساؤتھ افریقہ کی کنڈیشنز کی وجہ سے ٹیسٹ سکواڈ میں شامل نہیں کیا گیا تھا ،سپنر ساجد خان ایک فاسٹ بولر کی جگہ پاکستان ٹیسٹ سکواڈ میں واپس آ ئیں گے ۔ذرائع کا کہنا ہے کہ ویسٹ انڈیز کے خلاف بھی انگلینڈ سیریز کی طرز پر پچز بنانے کا فیصلہ کیا ہے،ویسٹ انڈیز کے خلاف سائیڈ میچ اور ٹیسٹ سکواڈ کیلئے مشاورت مکمل کر لی گئی ۔

یاد رہے کہ ویسٹ انڈیز کی 6 جنوری کو اسلام آباد آمد شیڈولڈ ہے ،ویسٹ انڈیز ٹیم 10 سے 12 جنوری تک پاکستان شاہینز کے خلاف پنڈی اسٹیڈیم میں میچ کھیلے گی، پاکستان ویسٹ انڈیز ٹیسٹ سیریز کے دونوں ٹیسٹ میچز ملتان میں ہوں گے ،پہلا ٹیسٹ 17 جبکہ دوسرا ٹیسٹ 25 جنوری سے شروع ہو گا۔