نیتن یاہو کی ہٹ دھرمی، غزہ جنگ بندی کا امکان ختم ہوگیا

یروشلم: اسرائیل نے وزیراعظم نیتن یاہو نے غزہ جنگ بندی کیلیے مصر روانہ ہونے کی خبروں کی تردید کردی جس کے بعد جنگ بندی کا امکان ختم ہوگیا ہے۔

اسرائیلی وزیراعظم کے دفتر کی جانب سے جاری اعلامیے میں کہا گیا ہے کہ نیتن یاہو کی قاہرہ میں غزہ جنگ بندی کیلئے روانہ ہونے کی خبروں میں کوئی صداقت نہیں ہے۔

اعلامیے میں واضح کیا گیا ہے کہ اسرائیلی وزیراعظم نیتن یاہو مصر نہیں جارہے اور نہ ہی جنگ بندی کے حوالے سے کوئی غور کیا جارہا ہے۔

قبل ازیں مصدقہ ذرائع سے یہ خبر سامنے آئی تھی کہ غزہ جنگ بندی کے حوالے سے اسرائیلی وزیراعظم مصر جائیں گے اور وہاں پر دونوں فریق جنگ بندی کے حوالے سے مذاکرات کریں گے جس میں اتفاق ہونے کا امکان ہے۔

رائٹرز کو ذرائع نے بتایا تھا کہ جنگ بندی معاہدے پر نیتن یاہو دستخط کریں گے۔